عالمی اتحاد برائے مسلم علماء، کی طرف سے
بحرین میں دعوت و اصلاح کے ممتاز قائد الحاج احمد المالود کے انتقال پر تعزیت
اللہ کے فیصلے اور تقدیر پر ایمان رکھتے ہوئے اور غم و
اندوہ سے بھرے دلوں کے ساتھ، عالمی اتحاد برائے مسلم علماء مملکت بحرین کی ممتاز
دعوتی شخصیت ، ممتاز معلم اور مربی، اور جمعیۃ الاصلاح کے بانی اراکین میں سے
محترم الحاج احمد محمد المالود رحمہ اللہ کی وفات پر تعزیت پیش کرتا ہے، جو ایک
بھرپور ایمانی اور دعوتی زندگی گزارنے کے بعد اپنے ربِ کریم کے حضور حاضر ہو گئے،
ان کی زندگی تعلیم، تربیت، دعوت، نصیحت اور اصلاح میں بھرپور خدمات سے عبارت تھی۔
الحاج احمد محمد المالود 1935ء میں شہر الحد میں پیدا
ہوئے۔ اپنی ابتدائی تعلیم وہیں حاصل کی اور 1949ء میں پرائمری سطح سے فراغت حاصل کی۔
1953ء میں ثانوی تعلیم مکمل کی۔
1953–1954ء میں
الحد شمالی اسکول میں تدریسی فرائض سرانجام دیے، پھر 1958ء تک سماہیج اسکول میں
تدریسی خدمات انجام دیتے رہے۔ 1961ء میں الحد جنوبی اسکول کے پرنسپل مقرر ہوئے اور
12 سال تک اس کی قیادت کی۔ 1978ء سے 1990ء میں ریٹائرمنٹ تک کئی دیگر اسکولوں کی
بھی سربراہی کی۔
ریٹائرمنٹ کے بعد مدارس الفلاح کے قیام میں شریک ہوئے
اور چھ سال تک ان کی انتظامیہ کی ذمہ داری سنبھالی۔
دعوتی اور سماجی خدمات میں مسلسل سرگرمی
دعوتی اور سماجی میدان میں بھی آپ کی خدمات نمایاں رہیں۔
1952ء میں جمعیۃ أوال الثقافیہ اور 1958ء میں جمعیۃ الفلاح کے بانیوں میں شامل
تھے۔
1965ء میں اصلاح کلب میں شامل ہوئے اور 1970ء کی دہائی میں
اس کے مجلسِ انتظامیہ میں سرگرم رہے۔
قرآن کریم کی تعلیم کے لیے پہلے مرکز کے قیام میں بنیادی
کردار ادا کیا اور 1975ء سے جمعیۃ الاصلاح کی تحفیظ کمیٹی کے صدر رہے۔
عالمی اتحاد برائے مسلم علماء مرحوم کے اہل خانہ، رشتہ
داروں، چاہنے والوں اور مملکت بحرین کے عوام سے دلی تعزیت کرتا ہے، اللہ تعالیٰ سے
دعا ہے کہ مرحوم پر اپنی وسیع رحمت نازل فرمائے، ان کے درجات بلند کرے، ان کی محنت
و خدمات کا بہترین صلہ عطا فرمائے، جنت الفردوس میں مقام دے، اور ان کے اہلِ خانہ
کو صبر و سکون عطا فرمائے۔
﴿إِنَّا لِلّهِ وَإِنَّا إِلَيْهِ رَاجِعُونَ﴾
دوحہ: 28 شوال 1446ھ
مطابق: 26 اپریل 2025ء
ڈاکٹر علی بن محمد الصلابی پروفیسر علی محی الدین القره داغی
سیکریٹری
جنرل صدر
ــــــــــــــــــــــــــــــــــــــــــــــــــــــــــــــــ
* للقراءة باللغة العربية، يرجى الضغط على
كلمة (هنا)..