غزہ کی پٹی میں نسل کشی کے جرائم کے لیے اسرائیل کے خلاف مقدمہ چلانے کے لیے ہیگ کی عدالت میں دعویٰ دائر کرنے پر جنوبی افریقہ کا قابلِ تعریف اقدام :اتحادِ عالمی ۔
انٹرنیشنل یونین آف مسلم اسکالرز نے غزہ کی پٹی میں فلسطینی عوام کے خلاف نسل کشی کے جرائم کے ارتکاب کے الزام میں اسرائیل کے خلاف دائر مقدمہ میں جنوبی افریقہ کی ریاست کی طرف سے زبردست قانونی پیروی کرنے پر قانونی ٹیم کے لیے تعریف ستائش اور نیک خواہشات کا اظہار کیا ہے۔
اس سلسلے میں، یونین کے سیکرٹری جنرل نے مندرجہ ذیل بیان جاری کیا :
ہم جنوبی افریقی حکومت اور فلسطینی کاز کے ساتھ مسلسل ہمت اور یکجہتی کا مظاہرہ کرنے والے لوگوں کا تہہ دل سے شکریہ ادا کرتے ہیں اور ساتھ ہی ان قانونی چیمپئنز کا بھی شکریہ جنہوں نے ناانصافی اور ظلم کے خلاف مزاحمت کرنے اور قابض مجرموں کو پکڑنے کے لیے اپنی صلاحیتوں اور تجربے کا استعمال کیا۔ انسانی حقوق اور انسانی اور بین الاقوامی انصاف کی اقدار میں ان کے یقین کی یہ صفت بہت ہی قابل تعریف ہے ۔ اللہ تعالیٰ نے فرمایا: [وَلِتَسْتَبِينَ سَبِيلُ الْمُجْرِمِينَ] (الأنعام: 55).[اور تاکہ مجرموں کا راستہ بالکل واضح ہو جائے ] ()۔
اس تناظر میں ہمیں فلسطین کی حمایت میں جنوبی افریقہ کے آنجہانی رہنما نیلسن منڈیلا کا بیان اور ان کا مشہور قول یاد آتا ہے: ’’ہم اچھی طرح جانتے ہیں کہ فلسطینیوں کی آزادی کے بغیر ہماری آزادی ادھوری ہے۔‘‘
ہم انسانی حقوق، خواتین اور بچوں کے حقوق اور ماحولیاتی حقوق کے دفاع کا دعویٰ کرنے والی بعض حکومتوں اور تنظیموں کی طرف سے دکھائی جانے والی مکمل خاموشی کی شدید مذمت کرتے ہیں اور حیران ہیں اور ہم اس بات کی توثیق کرتے ہیں کہ فلسطینی عوام کے ساتھ ناانصافی کا سلسلہ جاری ہے۔ ان کا وطن ، ان کی زمینوں پر قبضے ، ان پر کیا جانے والا ظلم و ستم، ان کے ساتھ روا رکھا جانے والا قتل و غارت، نقل مکانی اور فاقہ کشی انسانیت کی توہین ہے ۔
ہم اس بات کا اعلان کرتے ہیں کہ جن حکمرانوں اور اہلکاروں نے حق و انصاف کا دفاع نہیں کیا، مظلوموں کے ساتھ کھڑا نہیں ہوا، ظالموں کا مقابلہ نہیں کیا، اللہ تعالیٰ ان کا محاسبہ کرے گا ، اور یہ کہ ظلم و انصاف، اچھائی اور برائی کے ، اور سچ اور جھوٹ کے درمیان کشمکش کی قدیم روایت رہی ہے. جب کہ غلبہ عدل، صدق اور خیر کو حاصل ہوتا ہے ۔
ہم خدا سے دعا کرتے ہیں کہ وہ فلسطینی عوام کو فتح عطا فرمائے اور انہیں ہر قسم کے شر سے محفوظ رکھے اور انہیں فتح و سلامتی عطا فرمائے ، ہمیں یقین ہے کہ خدا ظالموں کو ضرور سزا دے گا اور حق اور حق پرستوں کو فتح عطا فرمائے گا۔
منگل: 16 جنوری 2024ء
مطابق : 4 رجب 1445ھ
ڈاکٹر علی بن محمد الصلابی
سیکرٹری جنرل